潮窩 (已結業)

天氣涼咗， 三五知己當然在一樣去打邊爐， 啲人成日諗到九龍城， 今次我就選擇咗遠少少嘅紅磡， 去試一間人哋推介嘅打邊爐。湯底， 由於有朋友嗜辣， 又有朋友滋陰， 所以我哋揀咗一半麻辣一半魚翅雞湯。 兩個湯底都在水準之上， 尤其是係個魚翅雞湯， 魚翅份量十足一啲都冇偷工減料， 雞湯好飲到我要添飲兩次。對於我嚟講， 牛肉係打邊爐嘅主菜， 你好少聽到去打邊爐 啲人話啲魚好食啲菜好好食， 但係就一定會講話啲牛好唔好食， 我就習慣用圖片說話。 我夠膽講呢一間係我呢兩年打邊爐食過好食嘅牛肉， 但係價錢就同出面嗰啲一樣， 完全超出性價比，極力推薦。仲有好多其他特別嘅菜式， 另一本推薦係佢哋包嘅餃， 推薦芝士同黑松露， 我邊打呢篇文章邊流口水， 嗰種豐富嘅質感真係令我好難忘。再嚟係呢個露筍， 外型好吸引， 一向唔鍾意食滑潺潺東西嘅我， 浸完麻辣湯底個口感好特別， 一個人食咗四條。成個過程坐得好舒服， 呢間邊爐大部分都係梳化椅， 唔似得 有啲 要坐櫈仔逼，總括嚟講呢間打邊爐唔好十分我會畀到九分， 嚟緊呢個冬天將會使唔同嘅打邊爐， 到時再同大家分享。