影片
更多
2017-06-02
184 瀏覽
之前聽同事講公司附近開左間叫王媽媽嘅車仔麵，Happy Friday 就黎試下新嘢啦（真係好新架，門口仲掛住試業中嘅牌！）一入門口就見到有一排車仔麵點心紙俾人揀餸，仲要每疊隔離放左一支好新淨嘅螢光筆俾人揀餸，我都係第一次用螢光筆highlight想揀嘅餸咋！（離一離題：用螢光筆會唔會好快無哂墨？用咁靚嘅螢光筆劃餸成本好似有啲高）我揀左泰式魚餅、香茅骨同金菇油麵($42)，揀３個餸會送綠茶，冷熱任君選擇。由於我好鐘意食菇，呢度菇類選擇就比較少，令人有啲失望。另外，點心紙嘅設計有改善空間，配餸每款$8 嗰度突然有個咖喱汁同腩汁，令人會睇漏眼或者唔知係咪碗碗麵都可以揀汁。點心紙字型同格式都有啲隨意，唔係好襯型格光猛嘅店面。如果店家可以執一執啲細節，可以有更好嘅第一印象揀好餸之後，就可以排隊俾錢，俾完錢之後會有張號碼飛，店員叫我可以坐低等。坐左５分鐘左右，就有專人送到枱面。呢個安排唔知係咪因為店入面比較少人，所以先會有咁嘅送餐安排？如果高朋滿座嘅時候好難靠店員嗌號碼，客人喺自己個位回應再等店員送個餐過黎。由於我食完先醒起可以寫篇食評支持下，所以唔記得影相，以下要靠大家憑空想像啦。麵嘅份量相當唔
一入門口就見到有一排車仔麵點心紙
俾人揀餸，仲要每疊隔離放左一支好新淨嘅螢光筆俾人揀餸，我都係第一次用螢光筆highlight想揀嘅餸咋！（離一離題：用螢光筆會唔會好快無哂墨？用咁靚嘅螢光筆劃餸成本好似有啲高）
我揀左泰式魚餅、香茅骨同金菇油麵($42)，揀３個餸會送綠茶，冷熱任君選擇。由於我好鐘意食菇，呢度菇類選擇就比較少，令人有啲失望。另外，點心紙嘅設計有改善空間，配餸每款$8 嗰度突然有個咖喱汁同腩汁，令人會睇漏眼或者唔知係咪碗碗麵都可以揀汁。
點心紙字型同格式都有啲隨意，唔係好襯型格光猛嘅店面。如果店家可以執一執啲細節，可以有更好嘅第一印象
揀好餸之後，就可以排隊俾錢，俾完錢之後會有張號碼飛，店員叫我可以坐低等。坐左５分鐘左右，就有專人送到枱面。呢個安排唔知係咪因為店入面比較少人，所以先會有咁嘅送餐安排？如果高朋滿座嘅時候好難靠店員嗌號碼，客人喺自己個位回應再等店員送個餐過黎。
由於我食完先醒起可以寫篇食評支持下，所以唔記得影相，以下要靠大家憑空想像啦。
麵嘅份量相當唔錯，有四塊泰式魚餅，三塊香茅骨（其實比較似香茅豬扒）同一扎金菇，女士夠哂飽啦 泰式魚餅同香茅骨都好香，食得出唔係平價貨。見到同事食咖喱魷魚，都有5-6舊，厚身得黎size唔細，用香茅骨同同事交換左舊魷魚，都幾入味同爽脆。無落腩汁同咖喱汁嘅湯底好清，飲左少少全日都冇口乾，應該冇乜味精。至於贈送嘅熱綠茶係茶包茶，無乜特別。
總括而言，環境乾淨企理，食物份量夠，以今時今日食個車仔麵動輒過四五十大洋而言唔算貴，餸嘅種類特別，不過種類略嫌唔夠多。
我下次先再去試下車仔麵嘅靈魂－－－咖喱汁同腩汁！
張貼
