吞POT 雞煲火鍋.住家菜

營業中

休息中

我本人真係好鍾意食雞煲，食咗好多間，呢間真係真心係我嘅top 3 頭三名入面。 今日帶埋另外三個friend過去，主打食雞煲翅同埋麻辣雞煲，超正！ 麻辣雞煲叫左bb辣， 全隻雞，啖啖肉，超正，送飯一流！ 另外仲叫咗個雞煲翅，勁正！ 有勁多翅喺入面，吸晒啲精華。 我哋淨係叫咗白飯同埋烏冬，吸晒啲精華已經好滿足。 咁當然都要叫小小火鍋配料，叫咗少少牛肉同埋竹笙，超鍾意竹笙，因為佢會吸晒啲汁！ 再點埋自家條配嘅醬汁，正！ 好好味呀！ 我朋友們都表示好滿足，佢哋都話呢間餐廳嘅用料好正，最重要係我哋係喺9:30後先入座，所有火鍋配料同埋小食都有半價！ 超抵丫！ 😍😍😍