金龍冰室 (已結業)

14/7又黎到遊行嘅日子，仲記得上次食過同系位於銅鑼灣嘅金龍冰室，印象唔錯，決定今日再試一次。原本打算叫常餐瑞士雞翼，但已售罄，友善店員姐姐提議幫我轉做鹵水雞脾，咁我就抱住一試無妨嘅心態即管試試喇。雞脾用鹵水汁醃得好入味，肉質亦算嫩滑，係一個小驚喜，多士同埋炒蛋都正常嘅，唯獨公仔麵味道稍淡同埋浸得太耐，奶茶茶同奶嘅比例唔錯亦唔會太甜。