影片
更多
2022-09-05
841 瀏覽
以lunch嘅價錢， Haku交足功課。全無預先訂位，失驚無神衝左入去，好彩仲有Table位, counter已經全部被預約。Waitress嘅細心係真心要讚，佢留意到我同老細兩個交換位坐，然後就過嚟問我地係咪唔ok, 有冇野佢可以幫手。 原來係女朋友對個座位嘅毛毛質地敏感，佢立即offer用餐巾佈滿座椅位置。未開始食，我立即對呢間餐廳加分。是日午餐係6道菜的Tasting Menu, 由毛蟹春卷做開場，蟹肉非常鮮甜。緊接係鰹魚汁漬炭燒拖羅，味道還可，完全唔油，反而有啲清爽。然後白色一片片嘅係魷魚片配海澡汁嘅沙律，呢個唔係我杯茶。中間隔場有茶碗蒸，我見到上茶碗蒸，覺得唔係lunch就係咁hea呀？越平淡越有驚喜，老細平時最憎食茶碗蒸，佢都話正！將Egg Benny 變成茶碗蒸，真係一絕。 最上一層係Holland Sauce嘅foam, 中間係用蒸蛋，最低層係用Smoke Bacon做出嚟嘅高湯。呢個配搭真係一絕，確實係亮點。嚟到主菜部份，我叫咗法國藍龍蝦，老細叫咗北海道石班，唔駛講就一定係法國藍龍蝦勝！半熟嘅龍蝦肉，再琳上用龍蝦膏、蝦油和蝦湯所煮成嘅汁，帶有微辣，非常惹味。午餐接近尾
全無預先訂位，失驚無神衝左入去，好彩仲有Table位, counter已經全部被預約。Waitress嘅細心係真心要讚，佢留意到我同老細兩個交換位坐，然後就過嚟問我地係咪唔ok, 有冇野佢可以幫手。 原來係女朋友對個座位嘅毛毛質地敏感，佢立即offer用餐巾佈滿座椅位置。未開始食，我立即對呢間餐廳加分。
是日午餐係6道菜的Tasting Menu, 由毛蟹春卷做開場，蟹肉非常鮮甜。緊接係鰹魚汁漬炭燒拖羅，味道還可，完全唔油，反而有啲清爽。然後白色一片片嘅係魷魚片配海澡汁嘅沙律，呢個唔係我杯茶。中間隔場有茶碗蒸，我見到上茶碗蒸，覺得唔係lunch就係咁hea呀？越平淡越有驚喜，老細平時最憎食茶碗蒸，佢都話正！將Egg Benny 變成茶碗蒸，真係一絕。 最上一層係Holland Sauce嘅foam, 中間係用蒸蛋，最低層係用Smoke Bacon做出嚟嘅高湯。呢個配搭真係一絕，確實係亮點。嚟到主菜部份，我叫咗法國藍龍蝦，老細叫咗北海道石班，唔駛講就一定係法國藍龍蝦勝！半熟嘅龍蝦肉，再琳上用龍蝦膏、蝦油和蝦湯所煮成嘅汁，帶有微辣，非常惹味。午餐接近尾聲，去到甜品環節，石榴+牛乳雪芭, Ruby Chocolate +柚子Jello. 可能我麻麻地食甜野，所以我就鍾意Ruby Chocolate, 帶一啲海鹽味，幾特別。
9 瀏覽
0 讚好
0 留言
張貼
