Oaky

營業中

休息中

聽聞石硤尾有好多小食店，所以特登過嚟呢邊搵食。附近有幾間學校，所以啲舖頭似都係做街坊同學生生意，假日過嚟有啲舖頭直程唔開，休星期日。麻辣炸雞 $20開頭以為係好似韓式炸雞咁一嚿嚿，原來係一條條炸雞柳，總共五條。諗住麻辣會好辣，所以叫定佢少辣，食落去只係微辣，我諗本身都唔會係太辣。啲雞柳好juicy, 開頭以為自己食緊魚柳😂炸得岩岩好👍👍但佢冇配到醬，雖然齋食都唔會話乾，不過食炸野就係鐘意點點吓🤣好彩屋企有枝千島醬😆夾到👌煙三文魚牛角酥 $32佢個牛角包拎到返屋企食仲係微暖，咬落仲有啲脆冇淋到。個煙三文魚再加埋個醬，甜甜酸酸好夾👍芝士煙肉牛角酥 $25比起煙三文魚，依個就因為有煙肉重味啲，相比起亦都冇咁出色，正常發揮，主要係個牛角包好食。價錢相宜，三十蚊食到一個有料又好食嘅牛角包，同埋佢個炸雞我都幾推薦。