居酒屋·姫 (已結業)

如果要揀一間優質居酒屋，我會投呢間一票，有服務有水準，每上枱都會耐心介紹(*≧ω≦)翡翠螺醬油煮翡翠螺爽口，份量都幾多，但醬汁個人黎講覺得偏咸，但夾埋下低配菜食又ok喎沙甸魚苗刺身沙律沙律上面配咗啲用沙甸魚苗烘乾嘅脆片，仲加咗啲油甘魚刺身，食落口有幾重口感，同埋魚苗好香口北海道銀鱈魚刺身、愛媛產蜜柑鯛刺身兩款刺身一齊上，各有各特色，係兩款南轅北轍嘅刺身，蜜甘鯛就本身有陣柑味，較清甜同爽口，而銀鱈魚就油脂感好重，係入口即化嘅感覺，同大拖羅有得揮！輕丼泽軟殼蟹水菜卷原隻軟殼蟹包入去一齊燒，水菜爽口，軟殼蟹就脆，夾埋清新得黎唔會太膩自家制月見免治雞同其他地方食法有啲唔同，係用盤上，個人覺得幾好因為可以撈得啲蛋更加勻循(*ˉ︶ˉ*)手挽塩燒香魚見到都o曬嘴（條魚），脆到連條鰭都食得落，普通就咁用鹽燒，反而食到條魚幾鮮燒甲羅蟹道樂今日唔夠人手所以冇得睇店員即場燒( ･᷄ὢ･᷅ )呢到嘅配菜好有特色，係燒賣飯！出面用豆皮包，食落有啲甜甜地，配埋一大啖蟹膏一齊食！豚肉長芋京葱燒伴湯泉蛋原本係牛肉，師傅臨時改用豚肉因為豚肉個味道同長芋京葱更加夾，豚肉炒得亦好爽口，撈埋溫泉蛋食係勁正！