影片
更多
2021-12-25
212 瀏覽
之前秋香未開分店既時候，已經聽朋友介紹過呢間鋪😋，主要係食 fusion 菜。聽聞煲仔飯就一定唔可以錯過👍🏻👍🏻，但係真係未試過係酒樓/大排檔以外既地方食煲仔飯🤣🤣今次三個人食就叫左個晚餐二人前同散叫左啲小食🥰🥰秋香晚餐二人前前菜 - 日式漬物拼盤漬物係醃蘿蔔、醃黃蘿蔔同蒜頭，兩隻蘿蔔都比較普通，因為平時食韓國菜都一定有得食，酸酸地都幾岩做個開胃菜👍🏻。但係最有驚喜既就係個蒜頭😲！第一眼望落去好明顯係一粒粒既生蒜頭黎🤢，平時唔食蒜頭既我一見到就已經好抗拒，但係朋友試完話完全冇蒜頭味🤔所以我又膽粗粗走去試下先😤一食入口，好爽脆，的確係一啲蒜頭味都冇，只係食到醃料既味道，成個味道好得意🤣。刺身三點盛 - 牡丹蝦，鮮帶子，三文魚籽醬油漬一睇就知啲刺身好新鮮😍😍。帶子勁大粒又非常之鮮甜，一啖放入口勁滿足☺️☺️，得兩粒真係唔夠喉🥲🥲。牡丹蝦好大隻勁新鮮，連個蝦頭都好多膏可以食埋😋。而三文魚籽就粒粒都好脆口好juicy🥰🥰。炸物（四選二） - 唐揚雞件配自家橋村汁，日式吉列牡蠣雞件同牡蠣都各有四件，唐揚雞件炸得好好食，炸皮完全唔厚，又唔會炸到乾身曬👍🏻👍🏻，咬入去啲雞肉仲好嫩滑😍，雖然係炸雞，但係完
秋香晚餐二人前
前菜 - 日式漬物拼盤
漬物係醃蘿蔔、醃黃蘿蔔同蒜頭，兩隻蘿蔔都比較普通，因為平時食韓國菜都一定有得食，酸酸地都幾岩做個開胃菜👍🏻。但係最有驚喜既就係個蒜頭😲！第一眼望落去好明顯係一粒粒既生蒜頭黎🤢，平時唔食蒜頭既我一見到就已經好抗拒，但係朋友試完話完全冇蒜頭味🤔所以我又膽粗粗走去試下先😤一食入口，好爽脆，的確係一啲蒜頭味都冇，只係食到醃料既味道，成個味道好得意🤣。
10 瀏覽
0 讚好
0 留言
刺身三點盛 - 牡丹蝦，鮮帶子，三文魚籽醬油漬
一睇就知啲刺身好新鮮😍😍。帶子勁大粒又非常之鮮甜，一啖放入口勁滿足☺️☺️，得兩粒真係唔夠喉🥲🥲。牡丹蝦好大隻勁新鮮，連個蝦頭都好多膏可以食埋😋。而三文魚籽就粒粒都好脆口好juicy🥰🥰。
11 瀏覽
0 讚好
0 留言
炸物（四選二） - 唐揚雞件配自家橋村汁，日式吉列牡蠣
雞件同牡蠣都各有四件，唐揚雞件炸得好好食，炸皮完全唔厚，又唔會炸到乾身曬👍🏻👍🏻，咬入去啲雞肉仲好嫩滑😍，雖然係炸雞，但係完全冇熱氣既感覺☺️。吉列牡蠣即係炸蠔🦪，表面炸皮好脆又完全唔厚，味道好新鮮，但係就略嫌比較細隻同唔夠juicy😅😅。
12 瀏覽
0 讚好
0 留言
燒物 - 串燒盛（和牛粒，波板豚肉串，雞翼，大啡菇，秋葵，菠蘿）
呢個串燒盛份量都唔少，兩個人食的話完全夠食😋，和牛粒好香牛味，完全唔會好韌；波板豚肉串唔知係咪我地食既時候凍左🥲🥲，感覺上好硬，就連切開都有難度，真係要出盡力先可以分得開😅；雞翼、大啡菇同秋葵味道正常，冇乜太大驚喜；燒菠蘿就好甜👍🏻，食入口冇渣。
40 瀏覽
0 讚好
0 留言
特色煲仔飯 - 滑蛋鰻魚煲仔飯
煲仔飯crossover 日式鰻魚真係第一次聽🤣，估佢唔到既係鰻魚係一大條咁上而唔係切粒，見到有兩大條鰻魚都已經覺得抵曬👍🏻👍🏻，但係個滑蛋就有啲失望，因為係全熟左，一啲都唔滑🥲🥲。有驚喜既係佢做到煲仔飯既精粹，就係飯焦☺️。
60 瀏覽
0 讚好
0 留言
甜品 - 泡芙
原本跟set 係蕨餅，但係個晚店員話冇蕨餅😢😢，所以只有泡芙。但係因為真係食得太飽，到比錢個刻都唔記得左有泡芙🤣🤣，最後冇食到番到屋企先記得🥲。
枝豆
平時食開既枝豆通常都係室溫 / 微凍，但係佢地既枝豆竟然係暖😲，好岩做個開胃菜暖一暖個胃先再食野😋。
24 瀏覽
0 讚好
0 留言
自家制免治雞肉棒
免治雞肉棒係一樣不得不食既小食😚，佢地既醬汁再配埋隻生蛋，好有食緊壽喜燒既感覺😋。一夾起舊免治雞肉棒，已經feel 到冇平時食開既咁實，比較容易散開，一點汁仲更加易散。但係食入口個口感好正，超多軟骨😚
20 瀏覽
0 讚好
0 留言
雞泡魚干
第一次食雞泡魚干，出奇地原來係咁好食😲👍🏻，食入口好香，雖然係叫做雞泡魚干，但係一啲都唔脆口，反而仲有啲煙韌既感覺😋，個人覺得都係點沙律醬好食啲😚。
19 瀏覽
0 讚好
0 留言
張貼
