餃子達人 (已結業)

今日晏晝嘅時候其實已經嚟過呢間店買咗個西洋菜餃食，西洋菜餃就好好味不過啲湯就唔係太好味啦。 所以夜晚嘅時候我嗌既餃子係走湯嘅。夜晚嗌外賣嘅時候唔算好多人，我嗌完嘅時候佢嘅出餐速度都算快， 我都只係等咗十分鐘左右就已經攞到外賣啦。今次我嗌咗韭菜餃，椰菜餃，雞絲粉皮。 韮菜餃就一般般，不過椰菜餃就超級好食呀。 椰菜夠甜，咬落去好爽口， 皮都算薄嘅。 雞絲粉皮叫咗少少辣， 食落口個辣度對我嚟講啱啱好，好食又過癮。 喺呢個地段嚟講都算一個平民化同比較貼地嘅價錢。