影片
更多
2022-09-25
61 瀏覽
大角嘴雖然地理位置上有啲隔涉，但我好鍾意喺大角嘴搵野食。因為特色小店多，好多選擇。今日12點半左右到呢頭，見到間泰國餐廳未試過就入去試下。餐廳設計幾有特色，見到啲鐵通同霓虹燈令我諗起泰國既tuk tuk，兩邊牆掛滿泰國國旗，仲有好多各式各樣既物品，例如塗鴉、結他、波衫、泰拳褲、拳套...... 唔知係咪老闆私人珍藏 XD。佢啲set lunch 唔貴，5X-6X 蚊有交易。另外有二人、四人同六人套餐同埋單點餐牌，選擇多菜式又吸引。於是散叫左幾樣食物﹕海南雞半隻 – 隻雞唔算肥，亦冇皮同肉之間既啫喱，但雞肉依然嫩滑，而且啖啖肉，點埋個泰式醬汁好啱我口味。小食拼盤 (大) – 有6款小食 ( 包括蝦餅、春卷、串燒、雞翼、香葉包雞、魚餅 )，好似我地呢啲人數唔多，但又貪心想食好多唔同野食既人必點。野食夠熱，春卷好脆，味道正常冇特別。芒果糯米飯 – 上枱時見個芒果咁淺色，對佢冇乜期望。點知食落清甜多汁，糯米飯好軟糯，椰汁甜度適中，以呢個甜品作結非常完满。火龍果芝士沙冰 – 芝士味唔濃亦唔會膩，火龍果味都唔特出，勝在夠凍可消暑解渴。值得一讚係店員服務唔錯，會主動比細碟我地share 食，見食完又
今日12點半左右到呢頭，見到間泰國餐廳未試過就入去試下。
餐廳設計幾有特色，見到啲鐵通同霓虹燈令我諗起泰國既tuk tuk，兩邊牆掛滿泰國國旗，仲有好多各式各樣既物品，例如塗鴉、結他、波衫、泰拳褲、拳套...... 唔知係咪老闆私人珍藏 XD。
佢啲set lunch 唔貴，5X-6X 蚊有交易。另外有二人、四人同六人套餐同埋單點餐牌，選擇多菜式又吸引。於是散叫左幾樣食物﹕
海南雞半隻 – 隻雞唔算肥，亦冇皮同肉之間既啫喱，但雞肉依然嫩滑，而且啖啖肉，點埋個泰式醬汁好啱我口味。
去骨海南雞(半隻)
9 瀏覽
0 讚好
0 留言
小食拼盤 (大) – 有6款小食 ( 包括蝦餅、春卷、串燒、雞翼、香葉包雞、魚餅 )，好似我地呢啲人數唔多，但又貪心想食好多唔同野食既人必點。野食夠熱，春卷好脆，味道正常冇特別。
小食拼盤(大)
4 瀏覽
0 讚好
0 留言
芒果糯米飯 – 上枱時見個芒果咁淺色，對佢冇乜期望。點知食落清甜多汁，糯米飯好軟糯，椰汁甜度適中，以呢個甜品作結非常完满。
芒果椰子糯米飯
4 瀏覽
0 讚好
0 留言
火龍果芝士沙冰 – 芝士味唔濃亦唔會膩，火龍果味都唔特出，勝在夠凍可消暑解渴。
火龍果芝士沙冰
6 瀏覽
0 讚好
0 留言
值得一讚係店員服務唔錯，會主動比細碟我地share 食，見食完又自動自覺收碟上甜品。
埋單平均每人百零蚊，食物選擇多、質數中上，性價比高，食得好開心。下次再黎試下其他菜式。
張貼
