Plato Cafe & Bistro (Mikiki)

今日朋友約黎Mikiki既Plato Cafe Bistro食飯。 好耐冇黎原來換左好多新食店，其中呢間Plato Cafe Bistro就係新開既一間。 朋友話呢度就算食set 都好唔錯，我地就黎食下。一坐底侍應都好好服務，地方都好靚。 朋友推介食set dinner, 睇落又真係幾抵。 首先今日餐湯係椰菜湯，本來仲驚怪怪地，但飲落都好清甜，幾開胃。 跟住頭盤就簡左酸忌廉煙肉薯條。 幼身既薯條特別好食。 佢仲要唔咸，配酸忌廉好正，不自覺會食晒。 其他餸陸續都出得幾快。 主菜簡左北海道帶子松露野菌意粉，黎到已經好香松露，帶子又大隻，成個意粉既配搭真係一絕。 最正係佢既澳洲肉眼扒，我地要左5成熟，佢果然煮到有水準既扒房feel, 肉質鮮嫩多汁，5成熟又剛剛好，而且好厚身，係呢度食到咁有質素既扒真係喜出望外。 最後佢連跟餐既cheese cake 都咁好食，第時真係可以多啲黎啦。