滿軒新派粵菜 (已結業)

朋友一直都推介呢間中菜館嘅點心好好食，所以尋日就決定同佢去試吓啦🙈🙈點知果然有驚喜，環境幾好之外，食物同樣好好食！水晶鮮蝦餃蝦餃嘅份量超大粒，而且入面仲有超多嘅大粒鮮蝦，所以食落好鮮甜同埋好爽口蟹子燒賣王呢款燒賣同蝦餃一樣，同樣啲蝦都超大粒，夠晒足料，食完係令人超滿足醬皇蒸鳳爪呢度嘅鳳爪調味得啱啱好，一啲都唔會過鹹但又做得好入味！！竹炭流沙包呢度嘅竹炭流沙包賣相好得意,而且流心亦都做得好好，一搣開個包，入面既流沙已經即流出黎！正！！！千絲蘿蔔糕呢個千絲蘿蔔糕，炸完之後口感好好，外脆內軟，係令人食極都唔停口芝士蝦春卷春卷入面嘅芝士同埋蝦嘅味道好夾，而且食落一啲都唔膩，好少係傳統嘅茶樓會食到呢一款食物，所以呢度食到真係好驚喜