意樂餐廳 (禾輋廣場) (已結業)

今日出左沙田行街，行到熱熱地想搵個沙律食下，甘岩見到呢間餐廳有，就入左去。地址係禾輋屋邨商場入面，吾難搵。入面環境舒適同見到裝潢新派。我叫左大蝦沙律墨魚意大利冷面，加左杯凍檸茶。呢個冷面，有埋沙律真係望到未食都覺得健康。熱辣辣天氣時，都有胃口食。個醬係芥末溝麻醬，呢個混醬配搭幾有新意，好清新。因為冇左芥辣既攻鼻，又冇普通麻醬既漏，食落特別開胃。醬汁同個冷面好夾，完全吾覺突兀。蝦🦐非常新鮮彈牙，唯一美中不足係冇剔起蝦腸🙈成個菜🥗正常份量，有面有沙律，都夠飽，夠曬健康營養。同埋都有埋紫菜，青瓜，蟹柳，生菜等，全部都好新鮮，有口感同鮮甜。另一方面，呢度既意大利面原本係黑色既，吾同平時食開既墨魚汁面搞到咀黑黑，食完都吾會尷尬🤣岩曬夏天食，十分滿意。見到餐牌其他食物價錢吾貴，係平價平民西式餐廳，值得一去。