影片
更多
2020-01-08
197 瀏覽
琴晚同老婆去開金鐘果頭，到夜晚想話搵間西餐食下，search 到呢間Odelice似乎口碑都唔錯，咁就過去試下啦。行到去門口，鋪面就唔算好起眼，不過裡面環境就幾cozy。而且入到去，侍應哥哥服務都好周到，即刻遞上餐牌不特只，仲好耐心咁同我地介紹左份menu。佢知道我老婆係大肚婆，仲好細心咁叫佢skip左啲生冷野。經過佢一番介紹，最後我地叫個黑松露蘑菇湯、呑拿魚牛油果他他。主菜方面因為真係比較餓，所以叫左三款：香煎帶子蕎麥薄餅、卡邦尼扁意粉，同埋西班牙黑毛豬。老實講，咁多款食物都真係幾出色，一樣都無令我失望。特別要點名介紹一下既係果個呑拿魚他他。本身上枱既時候，其實都好難想像到佢係點既味道。但當一食落口既時候，係有一種意想唔到既好味。呑拿魚既鮮、牛油果既淡，再配埋個日式醬汁酸酸甜甜既味道，成件事真係好夾，仲好開胃，我覺得呢個真係必食之選。另外都想講下個pizza。今次我都係第一次食蕎麥薄餅，口感幾特別，雖然佢本身無乜味，不過夾埋帶子同煙肉果啲食，成件事又係幾夾幾好味。至於個黑毛豬，都係好唔錯。紅酒汁好味，肉質又夠稔。而且佢切好晒一塊塊，一啖一舊，好方便！Carbonara都煮得好有少準，
行到去門口，鋪面就唔算好起眼，不過裡面環境就幾cozy。而且入到去，侍應哥哥服務都好周到，即刻遞上餐牌不特只，仲好耐心咁同我地介紹左份menu。佢知道我老婆係大肚婆，仲好細心咁叫佢skip左啲生冷野。經過佢一番介紹，最後我地叫個黑松露蘑菇湯、呑拿魚牛油果他他。主菜方面因為真係比較餓，所以叫左三款：香煎帶子蕎麥薄餅、卡邦尼扁意粉，同埋西班牙黑毛豬。
老實講，咁多款食物都真係幾出色，一樣都無令我失望。
特別要點名介紹一下既係果個呑拿魚他他。本身上枱既時候，其實都好難想像到佢係點既味道。但當一食落口既時候，係有一種意想唔到既好味。呑拿魚既鮮、牛油果既淡，再配埋個日式醬汁酸酸甜甜既味道，成件事真係好夾，仲好開胃，我覺得呢個真係必食之選。
另外都想講下個pizza。今次我都係第一次食蕎麥薄餅，口感幾特別，雖然佢本身無乜味，不過夾埋帶子同煙肉果啲食，成件事又係幾夾幾好味。
至於個黑毛豬，都係好唔錯。紅酒汁好味，肉質又夠稔。而且佢切好晒一塊塊，一啖一舊，好方便！
Carbonara都煮得好有少準，撈埋隻溫泉蛋落去，相當creamy。
呑拿魚牛油果他他
67 瀏覽
0 讚好
0 留言
黑松露蘑菇湯
51 瀏覽
0 讚好
0 留言
香煎帶子蕎麥薄餅
54 瀏覽
0 讚好
0 留言
西班牙黑毛豬伴紅酒汁
29 瀏覽
0 讚好
0 留言
卡邦尼扁意粉
34 瀏覽
0 讚好
0 留言
張貼
