囍串

營業中

休息中

一入到黎已經覺得幾好，因為呢到唔似一般既串燒鋪，呢到唔會大煙，地方又乾淨! 另外呢到仲會有個爐仔，一有串燒就會擺上去，可以保持溫度，又幾貼心! 平時好少見串燒鋪有奶醬西多士，所以就叫左。 好好食!!中間就好濃既花生醬味，外皮好焦脆，建議大家一定要試下! 燒韭菜好香，份量都OK。燒雞皮好香口，脆卜卜。雞中翼好入味，而且啖啖肉。羊髀肉都好好食，肉質唔會柴。茄子超足料，配味岩岩好，唔會過咸。重頭戲係花甲粉絲，呢個真係必食，個湯係超香，帶少少辣。粉絲吸曬湯，真係一啖接一啖咁食，感覺作為宵夜咁食都好岩! 花甲都有好多粒~ 夠足料，入面仲有D煮到好淋既洋蔥，好食! 野飲方面，叫左大大杯既檸茶，份量多到似2人份!