MOOS

營業中

休息中

重慶大廈地庫最近翻新咗，之前的運動用品舖全部無哂，重新裝修過。暫時開咗幾間食店，中間就做咗Food court.呢間小店主打牛同沙律，今次我試「日式沙律配柚子油醋汁」成個沙律色彩好繽紛，入面材料都好豐富，有薯蓉、燒番薯粒、藜麥、車厘茄、鷹嘴豆、粟米粒、沙律菜、時令生果(藍莓及青提子)。當中最驚喜係燒番薯粒，表面焦焦地，食落好香甜，另外就係青提子，超甜！.沙律菜新鮮，柚子油醋汁，甜甜酸酸都幾好食又清新。成碗份量都唔少，用料好足，$48來講我覺得幾抵食。下次再試下佢地的牛肉先！.嚟過呢個場兩次，兩次都好少人，可能仍然唔多人知道，今日黃昏時段嚟靜靜地慢慢坐都幾舒服。