帝樂 - 德國餐廳 (美麗華廣場) (已結業)

見大家午市都係食半自助餐，不知是否公眾假期的關係，今日是全自助餐。餐廳的部分食物完全是出乎意料地好食。蝦有鮮味，爽口彈牙，蝦頭都有膏，似Ikea那種急凍蝦的味，比部分酒店自助餐的蝦更高質。係德國餐廳食豬手一定高水準，皮超脆，不是脆得黎又硬崩崩，而是好似薯片那種脆，一咬落口真係卜卜聲。雞肉串燒夠惹味，那個沙嗲汁調得很好，還有花生碎在裡面。麵包外脆內軟，面頭仲有芝士，平時食自助餐很少食，今次都忍唔住食左幾塊。磨菇湯超濃郁，又夠熱，配麵包一流。其他如炸雞，腸仔，凍豬腩片都值得推介。另外仲有即炒的意粉，出去自己選配料，可配忌廉汁或蕃茄汁。另外我們臨走時才見到有燒牛肉，但眼闊肚窄，冇機會試。甜品方面有即炸的西班牙油條，好似手指咁細條，面頭加了少許的肉桂粉，食的時候可以點雲呢拿或朱古力醬食，真的得滋味。芝士撻和其他朱古力味的甜品都好食。朱古力味濃得黎有少許甘味，不會覺得很漏。餐廳的環境舒適，佈置用心，侍應十分有效率。唯一要改善的地方是沙律的味道單一，大部分都只是落沙律醬去調味，有些菜式如菠蘿雞絲更加是令人摸不著頭腦。今次每位302，已包加一。個人覺得抵食，值得推薦。