Three Idiots Restaurant

營業中

休息中

上次見到朋友post 社交平台，覺得間餐廳幾吸引，咁尋晚就同家姐去試左，有驚喜呀，食物方面好好味，份量都好多，我就特別喜愛食羊肉，所以一定點羊肉咖哩，雖然上菜見佢碟不太大咁，但入面幾乎全部都係羊肉，唔會好似第二啲餐廳咁咖喱醬一大pet而少肉，所以好足料呀～我就一定會點芝士烤麵餅食，佢個芝士烤麵餅不會太油，味道適中，芝士份量剛好，唔會食到好漏，羊肉炒飯又係好多羊肉，個炒飯係壓到實嘅，所以勁大碟呀，我地點左好多嘢食，食唔晒唯有打包，不浪費，反正去到就咩都想試下，特登試埋佢地嘅甜品，有好幾種，但我地就揀左兩種試，個雪糕有驚喜，好得意，又不太甜，環境就好舒服，好好坐，服務態度好好，有禮貌，雖然係印度人招呼，唔識英文都唔駛擔心，佢地都識講流利廣東話㗎，絕對會有下次😋😋