民華餐廳

營業中

休息中

一間普通的茶餐廳，之前食過幾次都無咩特別，但有朋友講過佢招牌咖哩係一個驚喜餐廳唔算好大，有4人枱，但大部分係闊既2人卡位，坐得都算可以，不過冷氣開得好大，坐低未開始叫野食就已經吹到打冷震，怱怱又要轉去另一張無咁大風既枱，但係仍然係吹住個頭餐牌有一般茶餐，炒粉麵，同埋點心蒸飯，款式都幾多。而牆壁就貼哂咖哩牛筋腩係皇牌推介，好，就要試試有幾皇牌咖哩牛筋腩飯 餐茶熱檸水 56蚊熱檸水 有5片檸檬，值得一贊，有好多茶餐廳得兩三塊薄到傻既檸檬片，而佢呢杯有5塊，想酸唔酸自己篤，可以自己話哂事咖哩牛筋腩飯賣相幾好，牛筋腩分開上，個碗既口係一邊高一邊低，易啲畢啲咖哩落個飯度。入面有3舊牛腩，2條牛筋同埋1舊薯仔，份量算唔錯。咖哩汁比其他稍黑，但食落口好香咖哩味，少辣但唔啃口，而且牛腩炆得好惗，咖哩味入哂舊牛腩，牛筋都牛入味，係淋身果種，煮得非常好食白飯份量適中，而且有隻煎蛋係面，好驚喜，而且係流心蛋黃，餸咖哩汁一流，而且咖哩汁唔啃口而又足夠餸飯，食哂成個白飯都無問題總括黎講，餐廳既選擇足夠多，而份量亦足夠。咖哩的確有驚喜，牛筋腩夠惗夠入味，又有煎蛋送，一定會再食