森美餐廳

營業中

休息中

即興約朋友食飯,好多地方都已經好full啦。唯有搵下啲小店，希望有位啦。呢間店係地鐵站出黎，穿過商場，地面鋪，都唔難揾嘅座位間距離適中，唔會太貼近隔離枱，夠哂安心。晚餐餐湯係南瓜湯， 真係食到南瓜蓉， 味道幾好。主菜揀咗炭燒黑毛豬扒， 上枱時色，香俱全，豬扒擺碟吸引，2大塊豬扒放在薯蓉上面，再加埋菠蘿，露筍，焗蒜，未食已經加曬分啦 即刻試下先，豬肉好嫩滑，一啲都唔難切，完全無筋，加上少少燒汁，味道好出色。甜品係袖子芝士蛋糕，袖子味好出，但唔會太酸，配合埋芝士蛋糕嘅質感，好味。冇做過research下，搵到呢間小店，食到咁好食嘅食物，真係好有驚喜，以後要幫襯多啲先得喇。