Kome Kushi (已結業)

食物質素不錯，幾有特色。環境都幾舒服幾chill，餐廳出面仲有一家人帶咗隻狗仔一齊食飯。食物方面，食咗壽司卷、壽喜燒、梳芙厘鰻魚飯、士多啤梨沙冰，飲咗幾杯嘢飲。最有驚喜係梳芙厘鰻魚飯，應該係個鰻魚飯連埋梳芙厘一齊焗嘅，所以個飯本身有少少乾身，亦因如此，餐廳都準備咗壺上湯喺隔離加埋一齊食，所以啲飯索返啲湯汁就啱啱好。另外個壽司卷都係幾特別，一件壽司上面有N咁多舊魚生，擺盤靚之餘，食落啲飯都幾軟身，值得一試。價錢方面，5個人午餐食咗800蚊，喺赤柱呢個地段來計，算係合理。