影片
更多
2013-11-04
123 瀏覽
加班加到9點幾，收工經過呢度正好冇人排隊，平時呢度都會有條小人龍，今晚正好趁機一試。店子細細，店內只有十餘個座位，所有座位都係吧枱位置。廚房亦係開放式，可以清楚烹調過程，充滿日式風格。吧枱頂部有Tempo紙巾提供，服務貼心。但對於我呢啲唔太高嘅人嚟講就高咗啲。店內有介紹湯底秘密，表明湯底以豬骨及純水經長時間熬製而成，並無用味精及奶類製品，強調真材實料。亦有師傅推介食法給食客參考，食客可好好運用枱上嘅調味品。拉麵只有兩款湯底選擇，豬骨同期間限定嘅蝦味噌豚骨湯；另有餃子及蝦沙律作小食。大部份食客都order麵配小食及汽水嘅set。Order後，好快有得食。師傅會將食物放喺吧枱上讓食客自取。拉麵賣相十分吸引，淡橙紅色嘅湯底上佈滿櫻花蝦，第一次見咁嘅配搭，感覺新鮮。另有叉燒、溏心蛋、粟米、蔥及紫菜作配料。湯底濃郁惹味，充滿陣陣蝦嘅鮮味，唔知係咪因為太肚餓，覺得個湯非常美味，真係想飲哂啲湯。叉燒有兩塊，較薄身，冇特別調味，可以食到肉本身嘅味道。溏心蛋亦出色，蛋黃半凝固且慢慢流出，微微嘅咸味中帶點甜。粟米清甜，雖然浸喺湯一段時間，依然爽脆。麵係我最鍾意嘅直身幼麵，正可以沾住較多湯汁，美中不足係麵偏
店子細細，店內只有十餘個座位，所有座位都係吧枱位置。廚房亦係開放式，可以清楚烹調過程，充滿日式風格。
吧枱頂部有Tempo紙巾提供，服務貼心。但對於我呢啲唔太高嘅人嚟講就高咗啲。
店內有介紹湯底秘密，表明湯底以豬骨及純水經長時間熬製而成，並無用味精及奶類製品，強調真材實料。亦有師傅推介食法給食客參考，食客可好好運用枱上嘅調味品。拉麵只有兩款湯底選擇，豬骨同期間限定嘅蝦味噌豚骨湯；另有餃子及蝦沙律作小食。大部份食客都order麵配小食及汽水嘅set。
Order後，好快有得食。師傅會將食物放喺吧枱上讓食客自取。拉麵賣相十分吸引，淡橙紅色嘅湯底上佈滿櫻花蝦，第一次見咁嘅配搭，感覺新鮮。另有叉燒、溏心蛋、粟米、蔥及紫菜作配料。
湯底濃郁惹味，充滿陣陣蝦嘅鮮味，唔知係咪因為太肚餓，覺得個湯非常美味，真係想飲哂啲湯。叉燒有兩塊，較薄身，冇特別調味，可以食到肉本身嘅味道。
溏心蛋亦出色，蛋黃半凝固且慢慢流出，微微嘅咸味中帶點甜。
粟米清甜，雖然浸喺湯一段時間，依然爽脆。
麵係我最鍾意嘅直身幼麵，正可以沾住較多湯汁，美中不足係麵偏淋身，少咗啲質感。
餃子賣相麻麻，煎得太黑；皮薄但唔夠脆。
冇諗過呢間拉麵係咁出色，以湯底嚟講，我覺得比豚王更令人回味。濃得嚟唔太溜，更合香港人嘅口味。下次即管試埋豚骨湯，以作更公平嘅比較。
張貼
