小林札幌拉麵

營業中

休息中

琴晚係奧海城睇戲之前，係附近搵野食，揀左呢間拉麵小店，主打札幌拉麵，著重用味噌做湯底，一於試試佢。🔸招牌牛油拉麵、北海道醬油拉麵🍜牛油拉麵係香港都比較少食到，呢個拉麵就正正係味噌湯底，湯底濃郁，加左牛油🧈唔油膩，都幾香。札幌拉麵除左味噌底，醬油湯底都係另一主打，所以另一碗就揀左醬油味，味道香濃，唔會過鹹。麵底幼身都幾彈牙。不過塊叉燒就無咩特別。🔸自家製餃子🥟炸雞🍗餃子真心好食！比起好多拉麵店個啲雪藏餃子，呢到既餃子餡料好豐富，脹卜卜，咬到冬菇粒，調味唔錯，煎得香口😋炸雞望落有啲乾，但一咬好有肉汁，而且都幾滑，有驚喜啊😛一人餐有拉麵、小食同飲品，都唔貴，小店仲有送薯仔沙律，估唔到都幾creamy，仲有洋蔥、芽菜，口感豐富。