樂天經典 (已結業)

午膳時間想坐得舒服D，又想食中菜，樂天經典就係一個唔錯既選擇午市時段(12:00-3:00pm)單點餐牌仲有68折！樂天經典主打新加坡菜，餸菜份量有分大中細，好岩情侶或好友聚會，可以試多幾款唔同菜式。而且設有舒適卡位，岩哂慢慢坐，傾下計。前菜係炆栗子花生，夠淋身，好入味！臘味炒飯(細)炒飯夠乾身，粒粒分明，飯粒彈牙，金黃酥香～食落味道甘香，再配以臘腸、蔥花等，口感層次豐富，濕潤度剛好。金銀蛋浸時蔬(細)簡單加入鹹蛋、皮蛋作調味，除可增添層次，更惹味提鮮，菠菜味道鮮甜亦唔嚡口～香酥南乳五花肉(細)肉香濃郁，配以香酥南乳的製法，味道鹹香脆嫩，極之惹味～招牌扣肉包經過長時間燜煮既扣肉，香味四溢，肥瘦適中，口感極佳，夾於剛蒸起、非常軟熟既包，一口咬下去，令人回味無窮！手工海鮮白玉磚炸得香鬆脆口，豆腐鮮嫩白滑，配以沙律醬，口感清新～娘惹咖喱雞(細)咖喱香甜帶微辣，雞件口感香嫩又爽滑，濃濃既娘惹咖喱香鮮至極～楊枝金露西柚肉飽滿帶點微酸，芒果香甜加上西米露，口感豐富。