影片
更多
2018-04-02
192 瀏覽
復活節第三日假期，來到沙田玩。晚餐打算在新城市廣場食，於是睇OpenRice 有咩好推介。見到呢間排第一及入圍的餐廳，法國菜的，於是在廣場搵呢間，佢不是在平時食肆果邊，而在地鐡果邊上多一層。見到裝修時尚，餐牌價格合理，於是入去試。入面客人不多，被按排入梳化位，好舒適。Set dinner: $98-$148. 包沙律、餐湯及飲品。我地叫左兩set.沙律：大碟好味，而且有雞肉，好多跟餐的沙律，都只是少少幾塊菜，但佢多種類蔬菜之餘，更有不少雞肉，加上少少酸味的汁，而沒有普通的沙律醤，感覺好有誠意。餐湯：周打魚湯。好香濃，有魚蓉粒, 加上洋蔥，好有質感。兩款主菜-帶子芝士黑松露飯 $128嘩，個芝士黑松露飯，好香濃芝士味，真係好好味，好特別，我未食過芝士意大利飯，好驚喜。而個帶子好大粒，煎得好香，好味，真心推介👍2. 燒春雞配薯蓉 $138燒春雞食得多，但呢個我好欣賞個賣相及個薯蓉。賣相連埋菜葉拼得好靚，而個薯蓉汁加埋個薯蓉相當好味，而且還很多，一定好飽肚，不似一般餐廳只是跟一少份薯蓉。而雞也是份量足及皮好脆，真好ok.加少少錢就可以加個甜品，我們就加了個特濃朱古力蛋糕：非常香濃的朱古力，不
入面客人不多，被按排入梳化位，好舒適。
Set dinner: $98-$148. 包沙律、餐湯及飲品。我地叫左兩set.
沙律：
大碟好味，而且有雞肉，好多跟餐的沙律，都只是少少幾塊菜，但佢多種類蔬菜之餘，更有不少雞肉，加上少少酸味的汁，而沒有普通的沙律醤，感覺好有誠意。
餐湯：
周打魚湯。好香濃，有魚蓉粒, 加上洋蔥，好有質感。
兩款主菜-
帶子芝士黑松露飯 $128
嘩，個芝士黑松露飯，好香濃芝士味，真係好好味，好特別，我未食過芝士意大利飯，好驚喜。而個帶子好大粒，煎得好香，好味，真心推介👍
2. 燒春雞配薯蓉 $138
燒春雞食得多，但呢個我好欣賞個賣相及個薯蓉。賣相連埋菜葉拼得好靚，而個薯蓉汁加埋個薯蓉相當好味，而且還很多，一定好飽肚，不似一般餐廳只是跟一少份薯蓉。而雞也是份量足及皮好脆，真好ok.
加少少錢就可以加個甜品，我們就加了個特濃朱古力蛋糕：
非常香濃的朱古力，不過較為甜，裏面跟蛋白，就比較有層次，底層也有朱古力原粒，也不錯。
朋友也點了個酒精飲品：
好靚呀。
以呢個價錢，這些食物質數是有驚喜的，環境也好時尚舒適，好彩選擇了這一問就間。
張貼
