譽居

營業中

休息中

行過路過將軍澳日出康城，搵到呢間茶居食午餐，唔使等位，即刻可以入座。入到去先知道係新派茶居（門口有屏風阻隔）。叫咗及弟粥、炸兩腸粉、黑毛肚，點心就叫咗山竹牛肉、蒸粉果、炸韭菜角、雪山叉燒包。出色嘅係個粥好棉，D豬肚豬心等沒有腥味，好正。黑毛肚就灼得非常之爽，一個字‘正’。個腸粉就普通咗D，其他點心就夠熱。雪山叉燒包就比想像中平平無奇。另外，如果個炸韭菜角可以煎得脆D，就更令整個午餐錦上添花。地方乾淨，員工有主動加水，整體來說，一個有驚喜的午餐。