Fifty Fifty (已結業)

今日岀深水埗接太太放工，7點放工去其他地方食就太晏，索性係附近食，行左個圈，決定左呢間Fifty Fifty。餐廳環境算企理，職員有禮。餐牌用QR code睇，但落單都係要搵返職員落單。叫左2個餐,1 ，澳洲肉眼扒配大蝦，叫左5成熟。算大塊的肉眼扒56成熟，香口嫩滑有口感，再配埋個將醬汁，少少甜絲絲，大蝦就一般，另外個牛油薯蓉真係好味，甘的價錢算超值。2，羊架。忘記叫左幾成熟。三塊羊架，應該67成熟，迷迭香5夠多，脂肪反而多左少少而令羊架羶左小小。我就覺得味道一般，太太就覺得5錯。餐飲就正常，最後係甜品，一個是日甜品蜜糖芝士蛋糕,好香蜜糖同芝士味，但又5會好甜，口感亦都5錯。另一個就加錢轉左Tiramisu，太太就話5錯，我就覺得一般。整體泥講，以呢2個餐泥講，叫做抵食，值得一試。有機會下次再試其他餐。