Vie Won Won (已結業)

今日我同朋友去咗西環呢間餐廳午餐，真係有驚喜！餐廳門面裝修好靚，有個花園仔，以為走田園風格。入內佈置走復古風，有情調，樓底高，裝修以古典風為主，幾有心思，牆壁嘅掛畫、餐桌、擺設同餐貝等都好靚，每個位置都係打卡位。樓上滿座，我哋安排坐樓下。叫咗1個lunch set，套餐包括前菜，主菜和飲品。前菜：田園柚子沙律🥗真係好清新，好多柚子，而柚子嘅酸甜味同車厘茄新鮮蔬菜完美結合，非常開胃。主菜：紅酒🍷牛尾意大利飯牛尾燉得好諗軟，加埋濃郁的紅酒香氣同味道，配上椰菜花飯，好好味。另外，又叫了hojicha mochi bagel 配牛油果煙三文魚同洋蔥忌廉醬。Bagel口感外脆內煙靭，夾餡有麻糬，口感很豐富，同埋鮮美嘅三文魚同牛油果真係好搭配！加埋洋蔥忌廉醬，好正。每一口都帶俾我無限享受，令我想再食多個。最後加$38試咗佢哋嘅原味巴斯克芝士🧀️蛋糕。蛋糕質地綿密，芝士味道香濃，完全係一個芝士控嘅夢幻。另外，我叫咗杯水果烏龍茶，好清新。食得好滿意，又係傾偈好地方，下次會再嚟。