魚八日本料理 (已結業)

平日去開灣仔廈門街，行到盡處見到一間裝橫精緻嘅日式料理屋，本身只係想食個簡單午餐，竟然有驚喜！原先想點選四色刺身飯，但其中一款食材無貨，所以揀選咗蒲燒鰻魚飯自選定食 $118，包麵豉湯、主食、一款小食以及甜品。鰻魚飯上菜時其實無乜特別，甚至覺得個盒有啲細。但一食入口，鰻魚火喉控制得好好👍🏻，咀嚼落去時油脂連同微微嘅焦脆感並唔係間間日本餐廳都做到。雖然賣相平平無奇，但食材質素方面明顯店方係有好好把關，都好一段時間無食到入口即溶嘅蒲燒鰻魚，呢個鰻魚飯令人非常滿足👏🏻！魚八自選定食嘅組合選擇唔少，可以組配唔同小食做出唔同combo。今餐揀選咗炸餃子，另外嘅選擇仲有沙律、溏心蛋、手卷、刺身三品等等。餃子正正常常，甜品反而幾出色，但可惜掛住食無影到，但有機會會再次光顧。