村爺爺車仔麵 (已搬遷) 新店位置

今日去到油麻地做運動，記得附近有間吾錯的車仔面，就諗住再去食過，去到差不多一點都爆晒喎，好彩我一個人黎不久就有，但待應講佢出名的龍蝦剛買晒，要遲點先有，所以食返佢其實材料啦，不過今次要左麻辣醬汁，不久野食就黎到啦……秘制鹵水雞翼，蠔油冬菇，豬大腸，生根，豆卜和伊麵 ……最後忍吾住叫左5個餸，因為這裡大。件又抵食，其實份量都吾少，雞翼入味又吾肥，冬菇少可見到咁厚身又足味，豬大腸肥嘟嘟但吾多肥膏而且仲幾軟熟又易咬，當然食麻辣點會吾叫生根同豆卜，伊面份量多又吾油好味。但不可不講佢的湯底，冇味精又香，清清地有煲湯的感覺，忍吾住飲多幾口。麻辣醬好有四川風味喎，吾會求其辣醬較出黎咁，有麻又香又辣，佢比較杰身，黏係車仔面餸仲正，有驚喜！見到有樽裝當然叫返個樽裝細可樂啦，夠凍之餘又充滿氣，飲完直情透心涼。