等 (已結業)

一個人買花經過太子，見到門面好靚，等咗一陣就可以入去。白雪雪嘅感覺令人好舒服，四圍嘅裝飾簡約卻別出心裁。點左個菠蘿雞扒漢堡，雞扒好大塊香脆而且好多汁，菠蘿亦都有燒過係香口嘅感覺，最驚喜係佢個麵包都經過調味，份外好食。Latte 咖啡味重，係比較深焙嘅感覺，拉花都好靚，好餐廳嘅杯子，復古又簡約嘅感覺。忍唔住都係叫咗職員介紹嘅青檸芝士蛋糕，呢個蛋糕真心驚喜，cheese分外香滑芝士味濃郁而且好香滑，最特別係中間嗰個青檸醬，甜甜酸酸咁好開心醒胃，真心冇介紹錯。