Reserva Ibérica • The Ham Shop • Signature Kitchen (已結業)

今日去左食西班牙菜，餐廳的地址有啲隱蔽，環境好好，幾有驚喜啊。好少食西班牙菜，食得最多既應該係西班牙炒飯。未食主菜前，我地先飲番個湯。我的是蘑菇蕃茄湯，質感滑溜，蕃茄有點酸，好清新。服務員推介之下，我地選左幾個小食。睇到上網有唔少人食炸茄子，我地又黎試試。茄子外皮抹左麵包糠，炸得好脆，入面質感結實，唔似茄子，幾得意。雖然食左不少既小食，但我個肚未算好飽，最尾我選擇左碟西班牙鑊仔飯。依個鑊仔飯唔似一般飯用多種海鮮，只係用左紅蝦，味道仲更加特出，好食好食。飯量唔算多，適合一人食。