影片
更多
2024-02-23
33 瀏覽
有同事推介觀塘嘅「Pentola」，既鄰近地鐵站位置方便，而且價錢親民，值得一試。我同朋友揀咗晚市二人套餐$368 (另加一)，有齊2餐湯、2前菜、2主菜及2飲品，唔升級嘅話其實都抵食🙈 餐廳裝潢幾懷舊復古，我地叫咗一杯紅酒同一杯白酒(+$48@)，邊飲邊品嚐美食🥂餐湯係椰菜花忌廉湯，味道濃厚順滑前菜- 白鯷魚茄子蓉多士幾特別嘅配搭，香脆嘅酸種多士配上原條白鯷魚，加埋混合咗橄欖油、口感軟綿嘅茄子蓉，味道微酸微辣幾開胃- 意大利風乾火腿拼盤有24個月巴馬火腿、莎樂美腸及寇帕火腿，配上清甜嘅青提子，味道甜甜鹹鹹幾開胃主菜- 迷迭香檸檬烤雞(半隻) +$80一上枱已經香氣撲鼻，烤至金黃色，咬落外皮酥脆、肉嫩多汁，就連平時唔食雞皮嘅我都忍唔住連埋雞皮一齊食，配上沙律菜，清新減膩- 炭燒安格斯封門柳配燒汁薯條 +$90封門柳燒至肉色粉嫩、肉味濃郁，脂肪少但入口軟腍嫩滑，配上新鮮炸起熱辣辣嘅薯條及沙律菜，我地食到停唔到口甜品- 奶凍配百香果醬 +$38奶凍滑溜非常，奶香味十足，配上百香果醬，酸甜可口好滋味- Tiramisu +$38充滿咖啡香，最底層有着香濃嘅咖啡酒味；忌廉芝士嘅綿滑與香濃微苦嘅
我同朋友揀咗晚市二人套餐$368 (另加一)，有齊2餐湯、2前菜、2主菜及2飲品，唔升級嘅話其實都抵食🙈 餐廳裝潢幾懷舊復古，我地叫咗一杯紅酒同一杯白酒(+$48@)，邊飲邊品嚐美食🥂
餐湯
係椰菜花忌廉湯，味道濃厚順滑
前菜
- 白鯷魚茄子蓉多士
幾特別嘅配搭，香脆嘅酸種多士配上原條白鯷魚，加埋混合咗橄欖油、口感軟綿嘅茄子蓉，味道微酸微辣幾開胃
- 意大利風乾火腿拼盤
有24個月巴馬火腿、莎樂美腸及寇帕火腿，配上清甜嘅青提子，味道甜甜鹹鹹幾開胃
主菜
- 迷迭香檸檬烤雞(半隻) +$80
一上枱已經香氣撲鼻，烤至金黃色，咬落外皮酥脆、肉嫩多汁，就連平時唔食雞皮嘅我都忍唔住連埋雞皮一齊食，配上沙律菜，清新減膩
- 炭燒安格斯封門柳配燒汁薯條 +$90
封門柳燒至肉色粉嫩、肉味濃郁，脂肪少但入口軟腍嫩滑，配上新鮮炸起熱辣辣嘅薯條及沙律菜，我地食到停唔到口
甜品
- 奶凍配百香果醬 +$38
奶凍滑溜非常，奶香味十足，配上百香果醬，酸甜可口好滋味
- Tiramisu +$38
充滿咖啡香，最底層有着香濃嘅咖啡酒味；忌廉芝士嘅綿滑與香濃微苦嘅咖啡結合，整體口感creamy，味道甜而不膩
張貼
