福源川香閣

營業中

休息中

放工同同事去附近既餐廳食晚餐，誤打誤撞揀咗呢間川菜館🌶。一坐底侍應已經走埋嚟招呼，介紹幾款招牌菜俾我地，於是就照板煮碗落單。😆😆第一碟係豆花牛柳我地俾佢既份量嚇親，超大兜❗️無論係配料定牛柳都好足料，即使加咗辣椒依然食到牛味。🐮之後係霸王蝦，一開始上枱覺得唔太吸引，但其實食落味道都唔錯辣辣地，蝦肉彈牙爽口。🦐跟住係貴州辣子雞，呢到既辣子雞有別於其他餐廳食嘅辣子雞平時識開係偏乾身同脆口。呢度嘅辣子雞較為濕潤有些少醬汁，雞肉加上醬汁好惹味！🐔最後乾撈牛肚，一開始擔心牛肚會煮到太干太韌，好彩師傅控制火喉岩岩好，牛肚易入口，配啤酒一流！🙈我哋食得非常滿足，值得過嚟試下🥰