豊勝手丼 (已結業)

跟得太太唔易做，先生除打機外，最大興趣就係食，價錢親民的鐵板燒當中，佢最喜歡去登龍街的『Hungry Monkey』。而我，更喜歡肚餓猴子對面的『豊勝手丼』裡面新鮮既海鮮丼飯，變化多端既時令九鼎丼最吸引到我，呢日先生又想食『Hungry Monkey』，但都好有風度甘陪我食丼飯～一場黎到又點可以淨係食丼飯呢，先來2 支水果梳打，我點的完熟白桃梳打好香桃味，甜甜地，好清新！小食方面點了吉列炸蠔$42忌廉蟹肉薯餅 $42炸蠔外皮酥脆，內裡鮮甜多汁。忌廉蟹肉薯餅就外脆內軟滑，口感豐富。豊勝手丼既 三國雲丹，三色海膽丼飯好出名，可惜呢晚已經售罄，先生點了一客廚師發辦丼 $278 時令食材鋪滿飯面，分別有 鮮軟既北海道帶子，醬油風味既磯煮鮑魚，誘人既厚切深海池魚，拖羅，吞拿魚，每款都好新鮮，其中小妹最喜歡入口即溶既厚切拖羅，滿口都係鮮甜既魚油香。九鼎丼 - $368九鼎丼係小妹最愛，一次品嚐9 款至鮮食材。今次有濃郁甘香既蟹膏，鮮甜蟹肉， 吞拿魚，甘香吞拿魚蓉， 三文魚， 香口蒲燒鰻魚，清鮮鯛魚， 爽口深海池魚，爆醬三文魚籽，食完真係超級滿足！！！見到小黑板既是日推介，又點了一份 螢光魷魚沖