一茗堂 (南山商場) (已結業)

可以話係屋邨街市中既隱世餐廳，係朋友口中推介過，今次黎食晚餐，的確幾唔錯！餐廳佔地幾大，食客唔算太多，所以環境寧靜，方便傾計，慢慢食。打開餐廳，同一般西餐廳供應既食物差唔多，但價錢就街坊價，幾抵食。精選餐湯 $22賣相看似平凡，第一啖飲到覺得有驚喜，好creamy，蕃茄蓉鮮味濃，有洋蔥粒，好飲。三重蟹忌廉汁意大利扁粉 $64三重係指蟹籽、蟹肉、蟹柳，一上枱見到咁多料，同埋好香。意粉份量都好多，每一啖都食到鮮味，扁意粉煮到剛好，掛汁，忌廉汁濃味，正，仲要咁抵食。9oz 美國安格斯西冷牛扒配紅酒汁 $148哩碟牛扒賣相都好吸引，揀左5成熟，上枱都係5成，唔錯！薯條係粗薯好脆，有埋原粒燒蒜頭，百幾蚊又係超抵。熱海鹽焦糖鮮奶咖啡 $36手炒黑糖薑蜜 $24哩兩杯熱飲都係秋冬之選呀，薑蜜飲落好暖身，咖啡焦糖味略蓋過咖啡味。