芝士蛋糕專門店 (已搬遷) 新店位置

係呢個咁up dup 嘅小商場入邊，竟然有一間淨係買蛋糕嘅鋪仔。仲要幾寸下，每日開得幾個鐘。見咁多人話好味，特登去試吓。今日有原味嘅巴斯克芝士蛋糕同埋伯爵茶芝士蛋糕。決定試吓呢兩隻味道。原味巴斯克蛋糕$45。伯爵茶芝士蛋糕$35。兩件加埋$100有找。真係好在喺呢啲人流唔係咁多個地方開。去到尖沙咀食嘅話，好多時都要$100一件蛋糕。巴斯克蛋糕非常之軟滑。芝士香濃，但又唔膩。仲唔會過份之甜。感覺我就算食兩三件都冇問題。伯爵茶芝士蛋糕有淡淡的茶香。仲帶有少少茶嘅苦澀。可能唔鍾意食苦味嘅人會唔鍾意。伯爵茶芝士蛋糕比巴斯克實少少。$80兩件蛋糕，仲要係好食嘅蛋糕，我覺得好抵。如果唔係怕肥嘅話，真係想一次過食晒佢所有嘅口味。