影片
更多
2007-03-03
29 瀏覽
尋晚我去左東涌舊碼頭食海鮮, 果度d 野同個feel 幾好!! 雖然係典型大排檔feel, 不過飽覽無敵海景, 見到360 纜車, 都幾靚景!由於地點幾隔涉, 佢\地係有免費專車接送, 由東涌MTR 去果度既, 都算幾方便!尋晚我同屋企人一行5人去食, 食左都唔少野, 埋單都係$755, 都幾化算.食物方面, 好易中d味精毒既我, 冇事喎! 証明d野冇乜味精! ^.^”海鮮都幾新鮮, 幾乾淨.. (至少食左唔肚痛^.^) 食左... (唔係好記得, 唔知有冇漏, 好似冇咁少野....)白灼蝦–細細隻, 個樣有d似基圍, 不過d殼好易剝, 岩岩熟, 幾好食.薑蔥蠔–幾好味, 不過有少少沙同殼, 食既時候要小心.豉椒炒蟶子–蟶子係比出面既細隻, 個樣有d似蜆, 有沙同殼係在所難免, 不過都幾大碟好襟食下, ok!蒜蓉粉絲扇貝–好味!油鹽水癩尿蝦–好大隻, 連埋頭同尾坐底有10寸長, 叫左2隻, 都切到6舊大大粒. 由於我唔係太”好”, 冇意見!清蒸黃立”倉”–幾大條, d肉幾甜, 個樣有d似斑.菜心鮮魷–菜硬左d, 鮮魷就幾彈牙.生燒牛仔骨–全晚至愛呢碟, 真係好好味, 仲幾大碟. ^w^
由於地點幾隔涉, 佢\地係有免費專車接送, 由東涌MTR 去果度既, 都算幾方便!
尋晚我同屋企人一行5人去食, 食左都唔少野, 埋單都係$755, 都幾化算.
食物方面, 好易中d味精毒既我, 冇事喎! 証明d野冇乜味精! ^.^”海鮮都幾新鮮, 幾乾淨.. (至少食左唔肚痛^.^)
食左... (唔係好記得, 唔知有冇漏, 好似冇咁少野....)
白灼蝦–細細隻, 個樣有d似基圍, 不過d殼好易剝, 岩岩熟, 幾好食.
薑蔥蠔–幾好味, 不過有少少沙同殼, 食既時候要小心.
豉椒炒蟶子–蟶子係比出面既細隻, 個樣有d似蜆, 有沙同殼係在所難免, 不過都幾大碟好襟食下, ok!
蒜蓉粉絲扇貝–好味!
油鹽水癩尿蝦–好大隻, 連埋頭同尾坐底有10寸長, 叫左2隻, 都切到6舊大大粒. 由於我唔係太”好”, 冇意見!
清蒸黃立”倉”–幾大條, d肉幾甜, 個樣有d似斑.
菜心鮮魷–菜硬左d, 鮮魷就幾彈牙.
生燒牛仔骨–全晚至愛呢碟, 真係好好味, 仲幾大碟. ^w^
豆腐什菜煲–冇乜印象.
一支藍妹, 幾個白飯–呢d唔駛講啦.. =.=
本來我媽咪想叫蟹, 基於我唔太”好”及食得太麻煩.. 同埋都想叫象拔蚌, 不過驚食唔晒.. 都係冇叫.. 不過個樣好新鮮!!
另外, d 小菜都幾多款, 幾特別! 好想叫, 不過實食唔晒! =_=
PS: 因為坐碼頭好好feel, 但冇乜野遮, 如果擇日就要搵日天朗氣清, 唔大風去就好d!
張貼