月禾居串燒手打鳥冬 (已結業)

新食店，因為有稻庭烏冬，同友人兩個就去試，叫左4款野食，清酒煮蜆、稻庭烏冬、什菜豆腐鍋 & 天婦羅，清酒煮蜆味道適中，蜆既鮮味又大隻，份量算多又唔細隻，跟住上稻庭烏冬，加埋特定既汁，食落去有咬口仲煙煙un un, 什菜豆腐鍋同天婦羅就一般，都好食，無咩特別，但我可能坐近個門口位，最後上既天婦羅好快就凍晒(本人覺得要趁熱食)，但個清酒煮蜆實在太好味而同友人一味掛住食個煮蜆所以擺到個天婦羅凍晒先食，原先仲諗住叫刺身，因為望到隔離食既三文魚刺身大大舊好新鮮咁，但兩個人食晒4款野已經好飽 ,下次除左會試刺身外，佢既炒飯同湯麵都好吸引。