麥田一 (已結業)

今日送完小朋友番學就去買少少野食，見到「麥田一」店，外面睇個樣ok wo,所以試下，入到去店員好有禮貌，充滿笑容，麵包種類唔算多，但好手工樣，賣相都唔錯，今日目標其實係買方包整三文治，呢道一包都係$8，好軟熟，係我鐘意果種，行過蛋糕櫃，正常我都實望，平均都係$22/件，正常價錢，店員見我眼金金即刻推介我試藍莓芝士，但其實我係比天空藍色既乳酪蛋糕吸引到....店員好用心講解藍莓芝士同乳酪蛋糕既方別，藍莓會較甜，乳酪蛋糕就唔會咁甜，睇我個人喜好，其實都好似好正，但天藍色吸引左我，出面好似又比較少乳酪蛋糕，所以試下。味道真係唔算甜，唔會好似食空氣，海棉蛋糕軟熟，乳酪酸酸甜甜，味道岩岩好，唔錯唔錯，但一件較出面細舊，所以食完一舊唔夠食lol下次再試下其他先