鮮‧港式串燒吧 (已搬遷) 新店位置

近排食得多西餐，就想轉下口味，於是約朋友行工廈，順便食串燒~食物款式都好多，除左串燒，連飯麵甜品小食都有~燒生蠔，好大隻呀，上面放滿蟹子，賣相好吸引，又勁多蒜蓉，岩哂我，生蠔咬落好鮮甜，又有汁，辣辣地咁~墨魚腸真係第一次見，好脆口，仲有粒粒墨魚，甜甜地配埋茄汁好夾~牛脷串好香，估唔到完全唔嚡，厚度岩岩好，爽口彈牙~芝士薄餅很有特色，唔似平時食pizza果d餅底，係酥皮底好鬆化，夾埋流心芝士都幾好食~最後點左個燒菠蘿，好juicy, 酸酸地, 好開胃~呢度環境簡簡單單，但係坐得好舒服，岩哂成班朋友黎食