泰邊爐 (已結業)

其實好耐之前都食過呢間，感覺不錯，最近見到IG foodie 推介，話轉左新Menu，於是同乜陳生又出沒！今次係雞煲火鍋放題，每位$198。雞煲有兩個湯底選擇，冬陰公雞煲同椰子雞煲。我哋梗係揀冬陰公雞煲，小辣😎另外見到加$70可以有一個海鮮拼盤，我哋都有加左一個。真係要讚一讚啲雞，好入味而且肉質好嫩滑食完啲雞，就倒入啲冬陰公湯做湯底，餐廳好好，預先擺定一大樽冬陰公湯係隔離，要加時自己自行加！海鮮拼盤都好新鮮，款式豐富^_^食晒枱面上嘅嘢仲可以refill，不過其實我覺得已經飽哂。。另外出面仲有自助嘅食物，多數係甜品同沙律，仲有啲小食例如蝦片薯條真係好豐富。另外我想提嘅係餐廳播嘅背景音樂都係泰文歌，而電視機亦都播住泰文廣告，真係令人哋以為自己去咗泰國旅行呀。