瀧赤料理 (已結業)

好耐無同媽媽出去食飯啦, 一於今晚同佢出去提早做冬, 等佢可以抖下唔使煮屯門新墟宜家開左好多細細間既餐廳, 間間都幾吸引咁, 最後揀咗呢間整修簡約既日式餐廳間餐廳啱啱開張仲試業緊, 內籠其實好細, 總共得四張枱，我地入去嗰時未滿座, 但一坐低即刻陸續有客入, 好快就滿咗睇嚟大家都好有興趣試新野我地落左ORDER之後, 十分鐘唔使啲餸已經陸續上枱, 我叫左一個鰻魚丼俾媽媽, 因為佢唔食生野既夾咗啲鰻魚嚟食, 兩塊大大塊既鰻魚差唔多遮住成個碗, 鰻表面燒得好香, 少少脆脆地, 加埋面頭啲芝麻一齊食, 仲香啲添, 個飯仲有好多配菜, 有醃蘿白, 仲好入味丫, 鰻魚底有啲蛋碎同紫菜, 咁多餸好抵食我自己就叫左個燒牛肉飯, 啲牛肉剛剛燒好就上台, 薄薄地但有好多塊, 食落除左好入味既燒汁之外, 仲有陣唔搶喉既薑味, 開頭以為自己有錯覺, 之後先發現原來係真係有薑喎, 平時食既燒汁牛肉都無覺師傅有落薑, 又幾特別喎, 唔辣之餘又可以提起牛肉啲肉味, 仲有碗麵豉湯, 唔咸啱我仲有叫左火炙塩燒同汁燒帶子壽司各一, 火炙左口魚邊壽司, 雖然話係壽司, 不過粒帶子都好大粒丫, 外面熟左, 入面仲保留住嫰滑