慶麵 (已搬遷) 新店位置

原本食隔離泰國菜，點知無位。之後見倒呢間有位隨機入，一行四大一細，點左每款一樣咁制，葱油撈面出色，口水雞冷面簡直一流！安東牛肉麵稱職，重有生煎包，鍋貼都係做得非常好，外皮酥脆，肉質鮮美。紅油抄手有一個好嘅地方就係唔會一層油鋪係面。重點推薦女士要試生煎叉燒包，一試難忘，好多肉汁！男士要試胡椒生煎包，好大陣胡椒味！不過食嘅時候就小心熱！小寵包就還可以，對得住個價錢。叫埋野飲埋單都係每位90蚊。強烈推薦小鋪！