Thai Basil (已搬遷) 新店位置

太耐無食過泰國菜，見金鐘太古廣場有間泰菜就去試一試，因為我晏咗出去食飯，所以點菜方面就由同事㨂，不過就係因為咁叫咗個我平時好少叫嘅菠蘿炒飯，佢放碟飯出唻已經有驚喜，飯呈長型，而且每粒都係有咬口而且好香，想一碗後再一碗另外係個卷好新鮮，再點上酸酸甜甜辣汁更加惹味。再叫咗二串魷魚及雞，魷魚唔韌，雞有點炭燒味不過有點唔熟，再換第二串都有一舊唔熟，咁我地掉咗就算不再換了，佢嘅串燒配上沙嗲+辣汁，個汁好夠辣又唔會油。魚塊本身已有少少辣，呢個都可以叫因為佢炸得唔太油，不過佢地無做午時餐你要散叫