川亭 (聯發街)

營業中

休息中

行開呢頭就到處睇下有咩小店，成日覺得小路啲租平啲價錢就平啲，咁啱行行下見到有人係門口排隊就八卦行埋去睇下，原來開咗間川菜餐廳，價錢好合理就入咗去食。Menu都多變化唔食辣可以揀唔辣。叫咗個擔擔麵同鹽水雞連豆漿都只係HKD55，再加碟油菜都只係加HKD10。由於我食Lunch一定要有菜，所以因為咁吸引我入咗嚟食。佢個沙薑雞好滑好入味非常岀色，唔食太辣，夏天真係頂唔住(有口水雞)的話可以叫呢個沙薑雞。個菜係甜豉油好細心一啲都唔hea。擔擔麵都好味。唯一缺點係冷氣細咗啲，因為廚房係開放式share冷氣，加上又食辣嘢，坐我隔離啲人食完都係咁抹汗。