唐包點

營業中

休息中

連鎖集團，工場出品，估唔到都揾到好嘢👍😋唐包點近期不斷推出新產品，之前有My Melody中式包點系列萌爆登場，最近因應冬天天氣寒冷❄，唐包點聯同雀巢鷹嘜煉奶陪大家渡過寒冬。今次共推出2款創新產品，全新煉奶蘋果🍎流心包以及海鹽煉奶蒸桃膠蛋白。好可惜暫時試唔到蘋果流心包，因為經常好早就售罄，今次試咗海鹽煉奶蒸桃膠蛋白，細細杯盛惠$16，本人覺得有啲貴😅一打開杯蓋已經見到晶瑩剔透既桃膠，份量唔算少，好吸引😍將蛋白加埋煉奶一齊蒸，可能加咗海鹽嘅關係，中和咗啲甜味，所以食曬成杯都唔覺得太甜👍👍😋供應時間去到2月15日，有興趣就早少少去買喇。