85度C (彌敦道) (已結業)

今日嚟到油麻地附近等朋友仔收工之後一齊去食晚飯，自己早到咗所以就喺附近行吓啲鋪頭，見到呢間麵包舖有款飲品幾特別叫「青汁鮮奶」。青汁鮮奶價錢又唔係好貴，而且凍熱都係 $23 蚊，所以好奇嘅我就膽粗粗買咗杯嚟試。😝青汁鮮奶 ($23) : 開頭諗住個味道會唔會係芫荽，蔬菜果啲呢 🤔 好彩唔係，飲落去有啲似抹茶，而且越飲越好飲，可以媲美星巴克果啲級數，不過價錢平一半，之後見到朋友仔介紹佢飲，朋友仔買咗杯都話唔錯。