喜瑪拉雅餐廳

營業中

休息中

本身係去食越南牛肉河粉，點知過左Last order，所以揀左呢間餐廳試一試。個menu 好多嘢揀，睇都有排睇😜未落單就上咗一個小食脆脆，有2款醬，正。兩個人食，叫左咖哩雞，naan 薄餅，餃子，沙律，湯，薯塊，甜品🤣最後多到食唔晒，因為估唔到佢咁大份。咖哩雞唔好睇佢個桶好似好細，其實入面滿晒，個味唔係好辣，因為有番茄一齊煮，幾濃味，加埋個薄餅，唔錯。食食吓啲辣就會出嚟😳食客可以望到廚師飛薄餅，即叫即整咁，好新鮮熱辣。左邊👈🏻綠色嘅係湯，幾咸😂幾特別，少少酸，幾開胃，可以一試嘅右邊👉🏻沙律，係最淡嘅一碟菜式，清清哋，個沙律醬都唔係好濃味。所以食食吓咖哩可以清下個口😂薯塊我哋以為係好炸，好脆，原來唔係😅不過係好食嘅！完全唔洗加茄汁食。少少辣。另外叫左餃子，不過無特別，好似平時食開果種，不過多咗一個醬可以點。總結，有機會下次會再食👍🏻，想試埋lunch 自助餐。