Joia

營業中

休息中

有客人來自遠方想食意大利野，搵暈晒全個尖沙咀，覺得呢間無論環境，地點，都好適合，價錢又，適中所以決定試吓呢間餐廳。圓方平台呢個位置有好多餐廳，其實都試過好幾間，覺得環境唔錯，所以當日我哋選擇咗坐戶外，因為天氣開始涼幾舒服。我哋點左兩個頭盤，一份係牛肉，一份係蝦；另外嗌咗一個燒海鮮盤同埋一份青口。頭盤嗰份生牛肉份量都算唔錯，四個人分都夠，牛肉非常之新鮮。另外，燒海鮮盤好正，鍾意嗰陣炭燒味，雖然份量唔多，但係三百幾蚊算係咁。青口就一般，不過個茄汁就點麵包一流。去到主菜，我哋點左一份牛柳，一個pizza。份牛柳簡直完美，又淋，煮佢半成又煮得啱啱好，出色！另外個Pizza都好意大利風味，所以呢一餐真係抵讚！